إنطباعي عن المقرر

نهاية الكورس وبدأ أغلب الدكاترة بتقييم الطلبة و رصد الدرجات وهذا الكورس هو أصعب كورس لي في جامعة الكويت لأنه كورس تخرج بإذن الله تعالى ، لما سجلت المادة عند دكتور عيسى النشمي كنت اسال زميلاتي  شلون المادة عند دكتور عيسى فأغلب الطلبة كانت إجابتهم وحدة من صجج سجلتي عندة ! ترى مو سهله عندة المادة! ترى بتشتغلون وايد ! ترى مايعجبة شيء! ترى يحبطكم! حسيت بإحباط وخفت وايد كونه آخر كورس لي في جامعة الكويت بإذن الله ، داومت أول محاضرة قالنا الدكتور ترى المادة موسهلة دسمة و فيها شغل وايد مو تقولون ماقلت ف الي  مو مستعدة تشتغل تسحب من الحين أقول لكم ، حسيت بإحباااااط كبير و ضغط وااايد بس توكلت على الله وقلت لازم أحاول و أستمر و ما أستسلم وخذيت الموضوع تحدي ، الكلمة اللي دايما يقولها دكتور عيسى لنا (مشكلتج مو مشكلتي) ،هذي الكلمة كانت كابوووس بالنسبة لي مثل ما إنه المقرر كان كاااابوووس ، بعد ما عدى ووصلنا لي نهاية الكورس الحمدلله حسيت إني تعلمت وايد أشياء علمنا الدكتور على عدة برامج وكوني طالبة إعلام أحس وايد فادتني هذه البرامج لأنها طورتني للأحسن ، التدوين و أغث شيء بما إني سيئه جدا في موضوع الكتابة كان الموضوع حيل أزمة إني أدور موضوع أتكلم فيه خصوصا إنه دكتورنا مايعجبة شيئ، وكان الدكتور جدا حريص أنه ينمي عند الطلبة موضوع التدوين و إنه يكون عندنا مواضيع غريبة هادفة نحاول نتكلم عنها، ني نتكلم عن مجال العمل الجماعي إلى حرص عليه الدكتور في المقرر نمى عندنا حب العمل الجماعي لأنه إكتشفت من العمل الجماعي يكون في تعاون وفي إنه القروب كله يفكر للأحسن تطلع أفكار غريبة نحاول إنه نوصل الصوت إلى نبيه ما نستسلم نحاول مرة و مرتين وثلاث نتعلم من الأغلاط ونصلح ونعلم بعض ، موقع ملتي ميديا أول مرة أستخدم مثل هذه المواقع حبيت الفكرة لأنها لطلبة الإعلام فكرة متطورة وحديثة ولكن الموقع يحتاج إلى العديد من التطوير و العمل فيه لأنه أكثر شيء كان صعب فيه الكتابة أحس يبيلها تطوير أكثر ، قسم الإعلام لازم يوفر للطلبة كل الإحتياجات اللازمة لهذا المقرر من كاميرات ومايكات وغيرها، كل تسليم هوم وورك أعرف الكلاس إلي بعدة شغلنا كله راح ينعرض جدام كل البنات في الكلاس و تبلش تعليقات الدكتور يا تكون جميلة و تحفيزية أو تكون سلبية وننزف لأنه الشغل مايكون عدل ، هذه الطريقة خلتني كل هوم وورك أحاول كثر ما أقدر أسوية بأحسن ما أقدر يعني أجتهد فيه واييييييد ، بالنهاية أحب أشكر دكتور عيسى النشمي على كل شيء علمنى عليه طول الكورس وشلون احاول إنه فعلاً يطلع أحسن شيء عندنا ويكون عندنا شيء كونا طلبة جامعة نفتخر إنه قدرنا نحققه.

كليه الآداب

يوم الثلاثاء 15 أكتوبر 2019

تم إلتقاط هذه الصورة في جامعة الكويت شدادية كليه الآداب.

 

 

 

 

 

 

 

 

 

تم إلتقاء هذه الصورة في جامعة الكويت شدادية كليه الآداب، في يوم الأثنين الموافق 14  أكتوبر 2019

لأحد العمال الذين يعملون ضمن الأعمال الخطيرة حيث أنه يقوم بتنظيف الزجاج.